Hatutan.com, (02 Juñu 2023), Díli–Ezekusaun reál Orsamentu Jerál Estadu (OJE) 2023 bá “Todo Governo” – esklui kompromisu no obrigasaun sira, to’o iha loron 31 fulan-Maiu, em termos nominál atinji ona millaun $438,2 husi orsamentu aprovadu biliaun $2,16.

Lee Mós : Ezekusaun Reál OJE 2023 Atinje Millaun $157

Osan Dollar Amérika. Foto/Google

Sita hosi komunikadu ne’ebé Hatutan.com asesu hosi konta ofisial Facebook  Gabinete do Ministerio das Finanças, Rui Augusto Gomes,  relata katak ezekusaun reál OJE 2023 iha fulan daruak, trimestre daruak bá Administrasaun Sentrál em termos nominál atinji ona millaun $425,8 hosi totál orsamentu alokadu biliaun $1,8. Enkuantu Autoridade RAEOA – ZEESM ezekuta ona millaun $12 hosi orsamentu alokadu millaun $120.

Ezekusaun OJE 2023 iha Administrasaun Sentrál aas liu mak iha Liñas Ministeriais ne’ebé ezekuta ona millaun $320,7 hosi orsamentu alokadu biliaun $1,2. Tuir kedan ho Ajénsia Autónomas ho nia ezekusaun atinji ona millaun $59,8 husi orsamentu alokadu millaun $218,3. Autoridade Municipais ezekuta ona millaun $33 husi orsamentu alokadu millaun $81,3. Fundu Infraestrutura (FI) ezekuta ona millaun $6,3 husi orsamentu alokadu millaun $202,7. Fundu Dezenvolvimentu Kapitál Umanu ezekuta ona millaun $3,6 husi orsamentu alokadu millaun $17,8. Enkuantu Fundu Covid-19 ezekuta ona millaun $1,7 husi orsamentu alokadu millaun $18.

To’o iha inísiu segundu trimestre 2023, Ministériu Finansas halo ona levantamentu osan hosi Fundu Mina-rai ho montante millaun $490 hosi totál orsamentu biliaun $1,3 ne’ebé mak Parlamentu Nasionál aprova ona liuhusi Lei OJE 2023.

 Jornalista  Estajiáriu : Lazaro Pereira Quefi