Hatutan.com, (19 Fevereiru 2024), Díli–Vise Primeiru-Ministru, Ministru Koordenador bá Assuntu Ekonómiku, Ministru Turizmu no Ambiente, Francisco Kalbuadi Lay, husu bá funsionariu kontratadu sira ne’ebé kontratu remata iha loron 31 fulan-Dezembru 2023, no oras ne’e atu tama fali servisu tenke liu husi prosesu normal sira bazeia ba lei Funsaun Públiku.

Lee Mós: SEKOMS “Hatama” Funsionáriu Kazuál 109

Vise Primeiru Ministru, Ministru Koordenador bá Assuntu Ekonómiku, Ministru Turizmu no Ambiente, Francisco Kalbuadi Lay. Foto/Espesiál

Hafoin fila husi tratamentu saúde iha Royal Darwin Hospital, iha Segunda (19/02/2024), Primeiru Vise Primeiru-Ministru 1 ne’e realiza kedas enkontru ho kargu xefia sira, no kontinua ho jestor Institutu Públiku (I.P) no Empreza Públiku (E.P) sira kona-bá programa prioridade sira iha tinan ida-ne’e.

Institutu Públiku (I.P), no Empreza Públiku (E.P) ne’ebé tutela iha Ministériu Koordenador ba Assuntu Ekonómiku, hanesan, Sentru Nasionál Formasaun Profisionál no Empregu Timor-Leste (CNFPE), Sentru Nasionál Formasaun Profisionál – Bekora (CNFP-Bekora), Institutu Nasionál Dezenvolvimentu Maundobra, I.P. (INDMO), Inspesaun-Jerál Traballu (IGT), Autoridade Inspesaun no Fiskalizasaun Atividade Ekonómika, Sanitária no Alimentár, I.P. (AIFAESA), Institutu bá Kualidade Timor-Leste, I.P. (ITQL, I.P.), Sentru Konvensaun Dili (CCD), Institutu Peskiza, Dezenvolvimentu, Formasaun no Promosaun Bambu, I.P. (Institutu Bambu), Servisu Rejistu no Verifikasaun Emprezariál I.P. (SERVE), Komisaun Nasionál ba Fasilitasaun Komérsiu (CONFAC), Institutu Apoiu ba Dezenvolvimentu Emprezariál (IADE), Ajénsia Promosaun ba Investimentu no Esportasaun Timor-Leste, I.P. (TradeInvest Timor-Leste, I.P.), GESPIN – Jestaun Parkes Industriais, S.A., Sentru Lojístiku Nasionál (CLN), Autoridade Turizmu Timor-Leste, I.P. (ATTL, I.P.), Sentrus Turizmu no Informasaun Turístika, Sentru Restaurasaun/Food Courts, Pouzadas, Autoridade Nasionál Lisensiamentu Ambientál, I.P. (ANLA), no Autoridade Nasionál Dezignada ba Kombate Alterasoins Klimátikas, I.P. (AND).

“Hanesan Ministru koordenador ba asuntu ekonómiku ne’ebé asume responsabilidade ba Institutu Públika no Empreza Públiku hamutuk 14, durante ne’e ha’u halo tratamentu saúde no ohin hahú halo serbisu. Ohin, ha’u hahú halo enkontru jeral ida ho I.P no E.P sira, ne’ebé ami haree saida mak tenke sai prioridade ba tinan 2024, no ami foti ona konkluzaun no hotu-hotu hatene empeña serbisu ida-idak laiha problema, buat hotu-hotu rezolvidu nune’e mós liu-liu bá kontratadu no permanente sira tenke tuir Lei Funsaun Públiku, nune’e mós politiku tuir politiku, ida ne’e mak ohin ha’u koalia,” Vise Primeiru-Ministru, Ministru Koordenador bá Assuntu Ekonómiku, Ministru Turizmu no Ambiente, Francisco Kalbuadi Lay hateten liuhosi konferénsia imprensa.

Vise Primeiru-Ministru ne’e mós informa katak, to’o agora seidauk iha mudansa atu muda I.P ba E.P enkuantu seidauk iha buat ruma atu muda, no sei mantein ho uluk nafatin. BaaáFunsionáriu sira ne’ebé atu kontinua serbsiu, depende bá sira ne’ebé jere I.P no E.P sira.

“Ha’u sei entrega bá iha jestor I.P ho E.P sira mak sei haree bá funsionariu ne’ebé mak iha kapasidade di’ak, no iha esperiensia serbisu bele nafatin, no bá sira ne’ebé mak laiha esperiensia tenke halo selesaun. Selesaun didiak tanba ida ne’e akontese iha fatin hotu-hotu. Ita uza povu nia osan atu servi bá povu, no ba ita sira servidor públiku tenke mai ho responsabilidade ida ne’ebé mak ho sentidu de Estado. Serbisu hotu-hotu, se de’it mak atu mai serbisu iha instituisaun ka ministériu hotu-hotu tenke ho responsabilidade nakonu ho domin, no mós ita ida-idak hatene ita nia knar,” Francisco Kalbuadi Lay afirma.

Jornalista: Vito Salvadór