Hatutan.com, (22 Fevereiru 2024), Díli- Vise-Primeiru Ministru, Ministru Koordenadór bá Asuntu Ekonómia, Ministru Turizmu no Ambiente, Francisco Kalbuadi Lay, informa Timor-Leste sei organiza festivál internasionál ne’ebé sei foka ba promosaun arte-kultura, turizmu, siénsia no teknolojia.

Lee Mós: Vise Primeiru-Ministru Francisco Kalbuadi husu Funsionariu Kontratadu Konkore tuir Lei Funsaun Públiku

Vise-Primeiru Ministru, Ministru Koordenador bá Assuntu Ekonómiku, Ministru Turizmu no Ambiente, Francisco Kalbuadi Lay. Foto/Espesiál

Vise-Primeiru Ministru, Ministru Koordenadór ba Asuntu Ekonómia, Ministru Turizmu no Ambiente, Francisco Kalbuadi Lay bá jornalista sira iha Palásiu Prezidensiál, Kinta (22/02/2024).

 “Hanesan ita boot sira hatene katak ohin dadeer hahú husi tuku  11:00 otl, Prezidente Repúblika Timor-Leste, José Ramos-Horta konvoka reuniaun ida hamutuk ho ministériu integradu, liu-liu husi membru Governu kompostu husi Vise Primeiru-Ministru na’in-rua ho membru Governu lubuk ida atu mai rona orientasaun hodi halo servisu ba festival internasionál ne’e sei realiza iha tinan ne’e. Ohin, ita mai iha ne’e halo sorumutuk inter-ministeriál hamutuk ho Prezidente Repúblika José Ramos-Horta atu rona orientasaun eventu nasional no internasionál ne’ebé foka liu bá iha arte-kultura, turizmu, ssiénsia no teknolojia,” Francisco Kalbuadi Lay informa.

Fatin bá organiza eventu festival ne’e depende ba Ministériu ida-idak nia atividade no sei hahú iha fulan-Agostu nia laran no orsamentu rasik sei mai husi Palásiu Prezidensiál no lataka dalan ba ministériu ida-idak ho nia orsamentu rasik atu kompila ka tau hamutuk hodi kompleta malu.

Francisco Kalbuadi Lay subliña objetivu prinsipál hosi festival internasionál ne’e mak atu halo promosaun ba kultura no turizmu Timor-Leste nian inklui hasa’e koñesimentu sosiedade nian iha siénsia no teknolojia.

Jornalista: Vito Salvadór