Hatutan.com, (30 Jullu 2025), Díli—Diretór Jerál  Abitasaun  no Urbanizmu, Ministériu Obras Publika (MOP),   Domingos de Jesus Siqueira, konfirma katak teste soil ka soil test bá rai ba projetu konstrusaun edifísiu sentrál foun Rádiu Televizaun Timor-Leste, Empreza Públika  (RTTL,E.P) uluk  empreza NIPPON KOIE halo  tiha ona no nia rezultadu hatudu la iha dúvida ka di’ak.

Lee Mós: Projetu Edifísiu Sentral RTTL,E.P, Laiha Razaun PT Aulia Multi Sarana Halo Fali Soil Test Analyzes

PT Aulia Multi Sarana lori sai ona sasán balu iha terrenu projetu konstrusuan edifísiu sentral foun RTTL,E.P. Foto/Marcelino Tomae

Domingos de Jesus Siqueira  hateten, husi rezultadu teste soil teste  NIPPON KOIE nian ne’e mak parte tékniku sira, hanesan UNDP, MOP ho parte relevante sira,  aprova no  hili  nia tipu fundasaun ka fondasi mat ka fundasaun raft.

Fundasaun ka fondasi mat ka fundasaun raft maka tipu fundasaun edifísiu nian ne’ebé maka iha forma baze konkretu (pelat beton) ne’ebé luan no mahar ne’ebé taka área baze tomak edifísiu nian.

Fundasaun ida-ne’e funsiona atu fahe karga edifísiu nian hanesan ba rai iha okos, liuliu iha rai ho kapasidade suporta ne’ebé ki’ik ka bainhira distánsia entre koluna sira besik tebes.

Domingos de Jesus Siqueira esplika, husi prosesu teste soli ne’e   tékniku Obras Públika liu-husi konsultor dezeñu  iha tempu ne’ebá deside maka fondasi med ka foundation med, temi ho liafuan la’ós téknika ne’e  fui plaka ida  tomak bá edifisiu ne’e. 

“Fondasi med  ka fui  plaka ne’e iha kondisaun edifísiu tomak mak ami halo  ka aplika ona  iha edifísiu Tribunál  Judisiál Primeira Instánsia Díli nian  no edifísiu RTTL,E.P,” nia hateten.

Diretór Jerál  Abitasaun  no Urbanizmu, Domingos de Jesus Siqueira, esplika terrenu ka rai konstrusaun hanesan Caicoli iha lagua ida,  foin ke’e metru ida bee sai ona, tanba ne’e maka  sé maka  atu halo mudansa bá rai ne’e tenke halo estudu ketak.

“Ha’u atu hato’o de’it katak iha inisíu bá prosesu Detail Engineering Design (DED) ne’e nia prosedimentu ida-ne’ebé maka tuir padraun ka estandarizasaun, husi ida-ne’e, husi insísiu  halo teste soil  ba kondisaun rai ne’e nia rezultadu,  ita la dúvida  ho tipu fondasi ida-ne’ebé maka ita termina, tanba nia prosedimentu maka ne’e, ita  halo soil teste rai ne’e hotu maka ita termina nia tipu fondasi,” Domingos de Jesus Siqueira hateten hodi responde Hatutan.com iha edifísiu MOP, Kuarta (30/07/2025).

Informasaun ne’ebé MOP simu katak PT Aulia Multi Sarana ne’ebé kaer  projetu konstrusaun edifísiu sentrál foun RTTL,E.P  halo tan fali teste soil tanba  hakarak uliza tipu fondasi  boared pile.

Diretór Jerál Abitasaun no Urbanizmu, Ministériu Obras Publika (MOP), Domingos de Jesus Siqueira.

Fundasaun bored pile maka tipu fundasaun kle’an ida ne’ebé halo liuhosi fura-rai to’o profundidade ida, hafoin enxe ho beton armadu. Objetivu maka atu kanaliza karga edifísiu nian ba kamada rai nian ne’ebé kle’an no metin liu, liuliu iha área sira ho kondisaun rai ne’ebé ladún estavel ka iha edifísiu aas sira.

Nia esplika kompañia PT Aulia Multi Sarana katak halo tan soil teste,  iha semana  kotuk ne’e ekipa tékniku  husi  obras públiku  halo ekontru ho UNDP, parte husi  tékniku  la duvida atu muda saida de’it,  maibé tenke husi estudu analizé,   atu nue’e  define karik mós  nia  mundansa  ne’e garante  nia kondisaun metin nafatin.

“Agora prosedimentu ne’ebé ita muda ne’e nia pontu negatviu ho pozitivu  ne’e saída, ami presiza haree bá ida-ne’e, sei ita haree bá pontu pozitivu tanba ita hakarak fondasi ne’e lais,  ezemplu sei ita hakarak halo fondasi ne’e lais no efisiensia, entaun, husi ami nia enkontru ho UNDP maka, ami nia hakarak maka se ita hakarak lais ita tenke utiliza fondasi med foundation, maibé sira hakarak utiliza  fali fondasi bored pail, sira hakarak  muada med foundation bá bored pail,”  Domingos Siqueira haktuir.

Nia esplika,  haree  bá pontu pozitivu   hodi  ezekuta lalais  tuir loloos  labele utliza modelu  fundasaun bored pail ne’e, maibé utiliza  span pail (tiang pancang).

Fundasaun span pail (tiang pancang) uza ai-riin naruk sira ne’ebé tau iha rai hodi suporta edifísiu nia karga. Ai-riin (tiang-tiang) sira-ne’e transfere edifísiu nia karga ba rai-henek ne’ebé metin liu, no estável liu, normalmente iha rai-henek ne’ebé fraku ka kmaan nia okos.

Fundasaun ida-ne’e dala barak uza iha fatin sira ho kondisaun rai ne’ebé la estavel, hanesan área sira ne’ebé nakonu ho rai-maran ka rai-maran, ka iha edifísiu aas sira.

PT Aulia Multi Sarana lori sai ona sasán balu iha terrenu projetu konstrusuan edifísiu sentral foun RTTL,E.P. Foto/Marcelino Tomae

Domingos Sequeira foti rerensia ba edifísiu Tribunál  Judisíal Primeirta Instánsia  Díli ne’e  uza tipu  med foundation, ne’e ballansu. Tanba ne’e, MOP rekomenda ba PT Aulia Multi Sarana atu  muda fali tipu fondasi sira tenke halo teste no análize tanba tipu ne’e diferensa ona, la henesan ona.

“Tanba ne’e tenke halo komparasaun  ho teste soil ida uluk ne’e no ida agora ne’e, tanba teste soil  uluk ne’e ita termina ho tipu med foundation,  no teste ida uluk ne’e 30 metru bá leten maka ita foin hetan rai ne’e nia to’os . Se PT Aulia Multi Sarana hakarak halo mudansa,  ita ejiji para  sira halo analizé teste soil, sira tenke halo estudu ketak ida, labele  utliza fali dadus  ida-ne’ebé ema seluk nian, se sira dúvida ho teste antes ne’e,  entaun sira tenke halo estudu ketak ida,  utiliza sira nia dadus mesak,  la bele utiliza fali dadus  ema seluk nian, ne’e  regra ida,”  Domingos Sequeira afirma.

Deskonfia PT Aulia Multi Sarana Atu Retira

Deskonfia empreza internasionál  PT Aulia Multi Sarana, atu retira husi projetu konstrusaun n edifísu Sentrál  foun  RTTL,E.P. Nune’e,  Tersa to’o Kuarta dadeer (29-30/07/2025), tékniku sira ho traballadór lokal muda sai ona sasán balu, inklui lori sia ona ekipa pezadu ne’ebé durante ne’e aluga empreza TINOLINA nian.

Tuir observasaun Hatutan.com  iha lokal konstrusaun nian hatudu katak ekipamentu pezadu, hanesan  ekavatór ho karreta baskulante ne’ebé durante ne’e utiliza iha terrenu projetu nian laori sai hotu ona no la estasiona iha fatin projetu.

Jornalista Hatutan.com dada-lia ho tékniku PT Aulia Multi Sarana iha terrenu projetu edifisiu sentral RTTL,E.P, Kuarta (30/07/2025).

Iha dada lia ida ho tékniku ka enjeñaria Timoroan  ne’ebé lakohi fo nia identidade hateten  la’ós kompñia maka rende ka retira, maibé iha problema balun sira sei halo diskusaun.

“Aban ka bainrua hanesan ne’e maka  foin rona desizaun. Kompñia ne’e la retira ka hasai nia   sasán sira, maibé iha probelma balun ne’ebé  sira atu diskute, tanba ne’e maka  ohin ami la bá han meiudia ami hein  iha ne’e de’it, hodi hein  rezultadu desizaun, ne’ebé kona-bá imformasaun ne’ebé ita boot sira hato’o mai katak kompañia rende ne’e  la loos,” Timoroan ne’e  hateten.

Tuir tékniku katak, problema ne’ebé  agora empreza Empreza internasionál  PT Aulia Multi Sarana halo diskusasaun ne’e  ho UNDP ne’e maka  teste soil bá rai no  nia rezultadu seidauk sai. Tanba ne’e, nia afiram tan katak,   desizaun hotu-hotu  sei iha bainhira diskusaun ne’e remata.

Jornalista: Marcelino Tomae