Hatutan.com, (24 Outubru 2025,) Díli—Ministériu Públiku liuhosi julgamentu primiera interrogatóriu ba arguido na’in-lima ho nasionalidade Indonézia (WNI, sigla Indonézia) atu aplika koasaun no multa $11,000.00

Lee Mós: PNTL Asegura Kamioneta Lima Husi Indonézia Tula Mina Ilegál no Lori Osan-Tahan US$111,000.00

Karreta sira ne’ebé arguidu sira kondús hodi transporta sasan kontra bandu inklui osan $111,000.00. Foto/Juvinal dos Santos

Liuhosi Juglamentu Primeiru interógatoriu iha Tribunál Judisiál Primeira Intásia Díli (TJPID), Sesta (24/10/2025),  Tribunál halo identifikasaun bá arguidu na’in lima tanba  iha alegasaun Minitériu Públiku  husu Tribunál atu aplika selu multa $11,000.00  tanba arguidu sira la deklara osan ne’ebé sira lori tama  mai iha Timor ho montante $111,000.00.

Advogadu  Privadu Pedro Camões ne’ebé fó asisténsia legal ba arguidu sira hateten arguidu na’in-lima tama Timor-Leste ho  karreta mamuk lori de’it gazoliña  no buat balun, maibé arguidu sira lakohi deklara, tanba ne’e  babain ne’e kontra bandu.

“Komu kontra bandu  entaun  medida todan liu maka  prizaun preventive,  la todan  maka kausaun ka selu multa,”  nia informa.

Nia profunda, enkuantu sasan mina ne’ebé  maka arguidu na’in-lima lakohi deklara ne’e,  Ministériu Públiku husu  Tribunál atu fa’an emidiata mina  sira ne’e.

Osan ne’ebé maka sai polémika, tuir  defeza katak arguidu lori osan ne’e atu sosa produtu lokál iha Timor hodi lori bá Indonézia.

Nia informa, sé arguidu na’in- lima deklara iha Alfandega kona-ba osan $111,000.00 ne’e, bele multa de’it $800.00 to’o $100.00 purvolta $5000.00.

Juglamentu Primeiru interogátoriu ne’e  prezide husi Juis Estajiariu Lucas de Jesus Costa Perreira Ministériu Públiku reprezenta hosi Prokuradór  Rafael Gusmão, arguidu na’in lima hetan asistenta legál advogadu privadu Pedro Camõens

Jornalista:Marcelino Tomae