Nasionál
Prezidente Repúblika Sei Loke Kios Bá Labarik Na’in-Rua Iha Quelicai
Hatutan.com, (05 Maiu 2023), Díli—Prezidente Repúblika (PR), José Ramos-Horta promete sei loke kios ba Quintina Martins Belo no Rosa Marcal Freitas iha Suku Macalaco, Postu Administrativu Quelicai, Munisípiu Baucau.
Prezidente Repúblika (PR), José Ramos-Horta promete sei loke kios ba Quintina Martins Belo no Rosa Marcal Freitas iha Suku Macalaco, Postu Administrativu Quelicai, Munisípiu Baucau. Foto/Média PR.
Objetivu hosi loke kios ne’e tanba Xefe Estadu hakarak tulun fasilita sira bele iha kbi’it rasik hodi kontinua eskola to’o remata universidade no realiza mehi ne’ebé iha.
Lee Mós: Prezidénsia Repúblika Entrega Hikas Oan Ki’ak Na’in-Tolu Bá Autoridade Lokál Mabelis
“Prezidente Repúblika, José Ramos-Horta hasoru-malu ho Quintina Martins Belo no Rosa Marcal Freitas hosi Suku Macalaco, ne’ebé sira nia foto virál iha rede sosiál Facebook iha loron 28 fulan Abril,” Hatutan.com sita komunikadu, Sesta (05/05/2023).
Xefe Estadu konsege hasoru-malu ho Quintina Martins Belo ho idade 13 no Rosa Marcal Freitas ho idade tinan 10 iha inísiu fulan Maiu no konsidera na’in-rua hanesan labarik ne’ebé badinas buka moris.
Ho situasaun ne’ebé iha, halo ekipa Gabinete Sosiedade Sivíl no Apoiu Sosiál hosi Prezidénsia Repúblika dezloka kedan to’o Quelicai hodi haree sira nia kondisaun moris.
“Sente orgullu tanba ne’e hanesan grasa ida ne’ebé Maromak fó ba ami, tanba bele hasoru-malu ho Xefe Estadu iha Palásiu. Ne’e difísl mai ami maibé tanba Prezidente Repúblika nia laran-luak no domin ba nia bei-oan sira, ikus mai akontese duni,” Reprezentante Inan-aman Virgílio Marçal Freitas espressa.
Quintina Belo kontente hateten Prezidente Repúblika promete atu loke kios hodi apoia nia estudu to’o universidade.
“Xefe Estadu promote sei ajuda ami loke kios ida hodi ajuda ami ba eskola to’o universidade. Ha’u nia mehi hakarak sai Polísia. Tanbá ne’e ami agardese tebes ba Avô Prezidente,” Quintina Belo hateten.
Prezidénsia Repúblika mós entrega nesesidade bázika ba labarik na’in-rua, identifika sira nia kondisaun moris no haree espasu atu harii kios ba Rosa Marçal no Quintina Belo.
Quintina Martins Belo hanesan estudante klase 7 no Rosa Marçal Freitas klase 8 hosi Ensinu Báziku Filiál Macalaco.
Jornalista: Vito Salvadór
Nasionál
FONGTIL Preokupa ‘Korruptór’ Kalumban Mali, Fujitivu Husi Indonézia Hetan Protesaun iha Timor-Leste
Projetu Emerjénsia Konstrusaun no Normalizasaun Mota Casnafar ho Kustu US$631,805,56 La’ós Hodi Aprende
Komisaun Revizaun Rekrutamentu PNTL Identifika Polísia Nia Oan 71 ho Jerasaun Patriota Na’in-72 Tama iha Lista Rekrutamentu
JSMP Husu PCIC-MP Labele Nonok ho Kazu Fujitivu Kulumban Mali
Fiskalizasaun Komisaun F Deskobre 32% Ai-Moruk Stock Out iha INFPM
Kazu Overstay WNI Ne’ebé Virál, Pesoál Migrasaun Olivio Pinto La Viola Lei
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Ekonomia1 week agoLoja do Povu Balun Bankarrota, Kada Loja Hetan Subsídiu US$50,000.00 husi Governu
-
Nasionál1 week agoRamos-Horta Alerta Prepara Kondisaun Hasoru Krize Ekonómia Globál
-
Dili1 week agoMOP Klarifika Projetu Emerjénsia ho Kustu US$631,805,56 Fó Prioridade Bá Empreza Casnafar Atu Aprende
-
Nasionál1 week agoLoron Veteranu Ba Dala-IX, Ramos-Horta Husu Foin-Sa’e Sira Banati Tuir Veteranu
-
Defeza & Seguransa1 week agoPNTL Kontinua Investiga Moeda Falsu Sentavu 200 Ne’ebé Sirkula Ona
-
Defeza & Seguransa11 hours agoKomisaun Revizaun Rekrutamentu PNTL Identifika Polísia Nia Oan 71 ho Jerasaun Patriota Na’in-72 Tama iha Lista Rekrutamentu
-
Desportu1 week agoGovernu Sei Buka Rai Seluk Hodi Kontinua Harii Estádiu Futeból Indoor ho Padraun Internasionál
-
Nasionál4 days agoFONGTIL Preokupa ‘Korruptór’ Kalumban Mali, Fujitivu Husi Indonézia Hetan Protesaun iha Timor-Leste