Defeza & Seguransa
UPF Halo Apreensaun ba Sigaru Pakote 373, Suspeitu Halai Lakon
Hatutan.com, (18 Novembru 2021), Dili—Komandu Polisia Nasionál Timor-Leste (PNTL), Unidade Patrullamentu Fronteira (UPF), liuhosi intensifikasaun atividade operasaun, konsege halo aprensaun evidénsia sira hanesan sigaru ho marka Surya 12 hamutuk pakote 373, inklui sasan seluk tán, hosi sidadaun sira ne’ebé halo transaksaun ilegál iha liña fronteira.
Tabaku Ilegál ne’ebé UPF halo apreensaun iha Fronteira, Kuarta (17/11/21). Foto/PNTL.
Parte UPF, Kompañia Alfa, Postu Altu Lebos, Munisípiu Bobonaro la konsege halo detensaun ba suspeitu sira, tanba halai lakon.
Notísia iha Relasaun:Deskobre fukun-sira fó espasu ba pasajen ilegál buras iha fronteira
Prosesu aprensaun ba sasan ilegál hirak ne’e, iha Kuarta 17 Novembru 2021, tempu kalan bainhira sidadaun sira ne’e hala’o atividade komérsiu ilegál iha área fronteira entre nasaun Indonézia no Timor-Leste (TL).
Komandante UPF, Superintendente Euclides Belo, informa sasan ilegál ne’e, prende tanba UPF hamutuk ho membru FALINTIL Forsa Defeza Timor-Leste (F-FDTL), Polisia Militár (PM), ne’ebé halo operasaun rutina iha fronteira rai-maran TL ho Indonézia nian.
“Loos duni, horisehik Komandante Postu UPF Postu Alto Lebos, Primeiru Sarjentu Adelino Maumali, hamutuk ho membru na’in-tolu hala’o patrullamentu la’o ain ba área Mapelai Suku Lebos, konsege identifika atividade transaksaun ilegál no prende sasan ilegál sira hanesan, sigaru marka Surya 12 hamutuk pakote 373, tabaku marka pohon sagu kaixa 10, tabaku marka Matahari kaixa ida (1), petasan ualu (8) shoot (foguetes) hamutuk pakote 10, inklui fogete 55 shoot ho nia pakote hamutuk 20,” Superintendente Euclides da Costa Belo, hateten ba Hatutan.com via WhatsApp, Kinta (18/11/21).
Fogetes Ilegál ne’ebé UPF halo apreensaun iha Fronteira, Kuarta (17/11/21). Foto/PNTL.
Hafoin halo apreensaun ba sasán komersiál sira ne’e, membru UPF ho F-FDTL, lalin objetu sira ne’e ba Postu UPF ho distánsia ne’ebé dook no oras-ne’e entrega ona ba Komandu PNTL Munisípiu Bobonaro, hodi halo prosesu kontinuasaun.
“Polisia hetan mak evidénsia de’it na’in dezvia antes,” Komandante Euclides Belo, hateten tán.
UPF hamutuk ho membru F-FDTL, sei kontinua intensifika área kobertura hodi identifika atividade transaksaun illegal-sira, hodi evita tama iha teritóriu nasionál.
Jornalista: Rogério Cárceres
Defeza & Seguransa
Diretór Nasionál PCIC Vicente e Brito Rekoñese Nia Oan-mane Uza Pistola Treinu Tiru
Vizita Liurai Brunei Darussalam Nu’udár Fatór Importante Atu Motiva TL Adere bá ASEAN
Grupu Traballu Reforma Justisa Submete Ona Relatóriu Servisu bá Primeiru-Ministru
Governu Timor-Leste Deside Halo Estradisaun bá Fujitivu Arnolfo Teves Jr
Ramos-Horta Kondekora Liurai Brunei Darussalam Majestade H. Hassanal Bolkiah ho Medalla Grande Colar da Ordem de Timor-Leste
Horta ho Xanana Tuun Direta Simu Liurai Brunei Darussalam Majestade H. Hassanal Bolkiah
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Ekonomia1 week agoPilar Ekonomia Sei Fraku iha Timor-Leste Nia Adezaun bá ASEAN
-
Ekonomia7 days ago18 Maiu 2024, Aero Dili Lansa Vou Dahuluk Díli-Oecusse
-
Defeza & Seguransa7 days agoDiretór Nasionál PCIC Vicente e Brito Rekoñese Nia Oan-mane Uza Pistola Treinu Tiru
-
Ekonomia7 days agoENERPROCO Vs Timor Gap, Prontu Ona bá Tribunál Arbitrajen iha Singapura
-
Polítika1 week agoPrezidente Repúblika Promulga Ona Alterasaun Lei CAC
-
Oe-Cusse3 days agoInaugural Flight Aero Dili bá Oé-Cusse, PM Xanana ho Pasajeiru 162 Tuun ho Susesu iha Aeroportu Internasionál Rota do Sândalo
-
Justisa & Krime7 days agoReforma Estrutura Lei Ne’ebé La Kompativel Bá PCIC no Iha Ona Relatóriu Reforma Justisa
-
Edukasaun5 days agoIndonézia Oferese Bolsa Estudu bá Timoroan iha Área Kontabilidade