Hatutan.com, (11 Marsu 2022),  Dili-To’o iha loron 16 fulan-Fevereiru liubá, Tribunál Rekursu (TR) membru órgaun soberanu na’in-20 liu maka prinexe no submete ona sira-nia lista aprezenta rikusoin.

Notísia iha Relasaun: Lei MPCC Obriga Ajente Públiku Deklara Rikusoin

Prezidente Tribunál Rekursu (PTR), Deolindo dos Santos. Foto/Hatutan.com.

Membru órgaun soberanu sira-ne’e kompostu husi Prezidenti Republika, Prezidente Parlamentu Nasionál (PN) ho nia membru balun,  membru Governu inklui husi parte Komisaun Anti-Korrupsaun (CAC sigla portugés).

“Ha’u halo verifíkasaun hamutuk ho tékniku katak balun prienxe ona hanesan Prezidenti Republika (PR), PN, membru Governu inklui CAC tanba ne’e lista membru órgaun soberanu 20-resin maka prienxe ona formulariu ne’e, maibe numeru ema ne’ebe prienxe ona sei ki’ik kompara ho hirak ne’ebe seidauk,” Prezidenti Tribunál Rekursu, Deolindo dos Santos, hateten ba jornalista sira hafoin partisipa serímonia abertura kursu formasaun Magistrados, Defensór Públiku iha edefísiu Ministériu Justisa (MJ), Dili, Sesta (11/03/2022).

Advertisement

Prazu prienxe formuláriu refere hahú iha loron 16 fulan-Fevereiru no sei termina iha loron 16 fulan-Marsu, tinan ne’e.

Bainhira la prienxe formuláriu dentru  prazu ne’ebé TR fo sai, sei simu konsekuénsia legál husi lei bazeia ba lei medida prevensaun no kombate korrupsaun númeru 7/2020, 26 Agostu, tanba TR kumpre de’it obrigasaun.

Notísia iha Relasaun: Lei MPCC Nu’udár Afirmasaun ba Interese Superiór Povu Nian

Jornalista: Carmelita Isaac

Advertisement