Polítika
Virgílio Guterres Kompleta Ona Dokumentu no Constâncio Pinto Rejista Mós Hanesan Kandidatu PR
Hatutan.com, (03 Fevereiru 2022), Díli-Kandidatu Prezidente Repúblika 2022-2027, Virgílio da Silva Guterres “Lamukan”, Kinta (03/02/2022), kompleta ona dokumentu iha Tribunál Rekursu (TR) hodi kompete iha eleisaun prezidensiál ne’ebé atu hala’o iha loron 19 Marsu 2022.
Notísia iha Relasaun: Kandidatu PR Lú Olo ho Armanda Berta Rejistadu, Lamukan Presiza Kompleta Dokumentu
Kandidatu PR 2022-2027, Virgílio Guterres “Lamukan”. Foto/Espesiál
Constâncio da Conceição Pinto. Foto/Espesiál
Virgílio Guterres “Lamukan” avansa independente ba kandidatu Prezidente Repúblika. Nune’e, nia tenke kompleta dokumentu tuir rekizitu rejistu kandidatura Prezidente Repúblika nian, liuliu hanesan karta deklarasaun no aseitasaun husi kandidatu inklui lista proponente iha kada munisípiu.
Virgílio Guterres “Lamukan” ho nia ekipa ba rasik submete dokumentu iha TR tuku 14;30 ho dokumentu proponente sira hamutuk ema na’in-6.275.
“Ami rejista ona no TR mós simu ona dokumentu ne’ebé antes ne’e haruka ami kompleta inklui dokumentu sira seluk no karik presiza kompleta buat balun depois maka TR sei notifika no konfirma ho ami,” Virgílio Guterres “Lamukan” hateten ba jornalista sira hafoin rejistu iha TR.
Iha tuku 15:00 Otl, kandidatura independente Constâncio da Conceição Pinto mós rejistadu iha TR hafoin submete dokumentu ho proponente ema na’in-5,000-liu.
“Ohin ami kompleta ona dokumentu hodi rejistu ami nia kandidatu independente Constâncio da Conceição Pinto ho apoiante hamutuk 5,000-resin,” portavoz ekipa susesu Adi Pinto.
To’o loron 03 fulan-Fevereiru tinan 2022, kandidatura hamutuk na’in-13 maka rejistadu ona iha Tribunál Rekursu (TR), kompostu hosi kandidatu José Manuel Ramos-Horta husi partidu CNRT, Armanda Berta dos Santos (KHUNTO), Francisco Guterres “Lú-Olo” (FRETILIN), Mariano “Asanami” Sabino (PD) no kandidatu independente kompostu hosi Felisberto Araújo Duarte, Milena Pires, Angela Freitas, Isabel da Costa Ferreira, Hermes da Rosa Correia Barros, Lere Anan Timur, Rogério Tiago Lobato, Virgílio Guterres “Lamukan”, ho Constâncio da Conceição Pinto.
Jornalista: Carmelita Isaac
PNTL Kontinua Investiga Moeda Falsu Sentavu 200 Ne’ebé Sirkula Ona
Governu Sei Buka Rai Seluk Hodi Kontinua Harii Estádiu Futeból Indoor ho Padraun Internasionál
Governu ho PN Hahú Halo Diskusaun Ba Proposta Lei Rejime Juridikú no Pratiká Arte-Marsiál
PNTL Submete Ona Ba Minitériu Públiku Kazu Ofisiál Polísia Militár Na’in-Rua Baku Lesuk ZFS
Ramos-Horta Alerta Prepara Kondisaun Hasoru Krize Ekonómia Globál
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Ekonomia7 days ago2025, Timor-Leste Nian Osan Millaun US$841 Sai Ba Rai-Li’ur
-
Justisa & Krime6 days agoDeskonfia Fujitivu Kalumban Mali “Hamutuk” Hela ho PR Ramos-Horta iha Atividade Sosiál Sira
-
Ekonomia2 days agoLoja do Povu Balun Bankarrota, Kada Loja Hetan Subsídiu US$50,000.00 husi Governu
-
Ekonomia7 days agoBCTL Halo Hela Ezersisiu Interna Kona-bá Timor-Leste Nia Moeda Rasik
-
Justisa & Krime1 week agoPCIC Asegura Suspeitu JMR Bosok Ema Bá Servisu iha Austrália
-
Nasionál3 days agoGovernu Kontinua Akompaña Timoroan Na’in-94 iha Izraél
-
Dili7 days agoLoja Sira iha Kapitál Díli La Koloka Pesoál Estasionamentu Sei Aplika Sansaun
-
Justisa & Krime1 week agoDeskonfia, Ofisiál Polísia Militár Na’in-rua Baku Lesuk ZFS