Justisa & Krime

Guarda Prizionál Reintegra Prizioneiru 118 ba Estabelesimentu Prizionál Suai

Published

4 years ago

02/07/2022

hatutan

Hatutan.com, (02 Jullu 2022), Díli— Ministru Justisa (MJ) Tiago Amaral Sarmento, fó orientasaun ba Diretór Estabelesimentu Prizionál Suai, Júlio Dias Ximenes hodi koordena ho Administradór munisípiu, Polísia Nasionál Timor Leste (PNTL) no autoridade sira, hodi reintegra hikas prezu sira ba Estabelesimentu Prizionál Suai.

Prezu na’in 118 iha hela estabelesimentu prizionál Suai, Sábadu (02/07/2022). Foto/MJ.

Orientasaun ne’e Ministru Justisa fó bainhira hetan atualizasaun kona-bá kondisaun klimátika iha Munisípiu Covalima nian, Iha Sesta lorokraik.

Lee Mós: Inundasaun, Prizioneiru 118 Okupa Provizóriu Aeroportu Suai

“Horsehik lorokarik hafoin hetan orientasaun hosi Ministru Justisa ha’u koordena kedan ho autoridade sira hodi reintegra hikas prezu na’in 118 ba estabelesimentu prizionál ho kondisaun di’ak hotu,” Hatutan.com sita deklarasaun Júlio Dias Ximenes iha komunikadu.

Prezu hirak ne’e husik hela aeroportu Suai no fila hikas ba estabelesimentu Prizionál iha tuku 17:30 Oras Timor Leste nian.

Prezu hika ne’e antes ne’e okupa provizoriu aeroportu Suai tanba inundasaun kauza hosi udan boot durante semana tomak iha parte munisipiu Kovalima.

Oras ne’e daudaun Majór Gusmão ho ninia ekipa hosi Sentru Integradu Jestaun Krize, iha hela Estabelesimentu Prizionál Suai atu kompleta vasina doze datoluk ba prezu na’in 118.

Jornalista: Carmelita Isaac

Up Next

Kazu Eis-Diretór Merenda Eskolár, Funsionáriu CAC Deklara Simu Keixa Husi Komunidade

Don't Miss

Rezultadu Análiza Prelimináriu Rekrutamentu Guarda Floresta, CAC Detekta Iha Duni Poténsia Prátika KKN

Click to comment

Justisa & Krime

Kazu Fornesimentu Kombustível no Manutensaun Karreta RTTL,E.P iha Ona Tribunál

Published

4 days ago

28/01/2026

hatutan

Hatutan.com, (28 Janeiru 2026), Díli– Ministériu Públiku aprezenta ba Tribunál Judisiál Primeira Instánsia Díli (TJPID) kona-bá kazu projetu fornesimentu kombustível no manutensaun karreta iha Rádiu Televizaun Timor-Leste Empreza Públiku (RTTL,E.P).

(more…)

Justisa & Krime

Ministru Nelio Isaac Sarmento Hetan Prosesu iha Tribunál Tanba Alegadamente Abandona Nia Oan Biolójiku husi Relasaun ho DS

Published

5 days ago

26/01/2026

hatutan

Hatutan.com, (26 Janeiru 2026), Díli–Ministru Joventude, Desportu, Arte no Kultura (MJDC-sigla portugés), Nelio Isaac Sarmento, Segunda (26/01/2026), marka prezensa iha Tribunál Judisiál Primeira Instánsia Díli (TJPID) hodi kumpre notifikasaun Tribunál nian ba prosesu alegadamente abandona nia oan biolójiku hosi relasaun ne’ebé antes ne’e nia halo ho DS.

(more…)

Justisa & Krime

Ministériu Públiku Kontínua Investiga Kazu Jogu Online iha Otél Oé-Upu

Published

1 week ago

23/01/2026

hatutan

Hatutan.com, (23 Janeiru 2026), Díli– Ministériu Públiku (MP) kontinua halo investigasaun kle’an ba kazu jogu online ka Scamming centre iha Otél Oé-Upu, Rejiaun Administrativu Espesiál Oé-cusse Ambeno (RAEOA).

(more…)