Hatutan.com, (26 Outubru 2023), Díli– Prezidente Parlamentu Nasionál, Maria Fernanda Lay, iha tempu badak, sei anunsia loron fiksu kona-bá eleisaun komisáriu Komisaun Anti Korrupsaun (CAC, sigla portugés).

Lee Mós: KHUNTO Konsidera CNRT ho FRETILIN Binga-Malu bá Eleisaun Komisáriu CAC

Sekretária Meza Parlamentu Nasionál, Virgínia Ana Belo. Foto/Zita Menezes

Sekretária Meza Parlamentu Nasionál, Virgínia Ana Belo, Kinta (26/10/2023), informa katak,  rezultadu reuniaun entre Prezidente Parlamentu Nasionál (PPN), Maria Fernanda Lay  ho lidér bankada sira to’o ona iha konkordánsia balun entre Bankada CNRT ho Bankada FRETILIN atu avansa bá eleisaun komisáriu CAC foun nian.

“Kona-bá ajenda CAC nian seidauk iha. Konsensu entre bankada sira iha ona, prontu ita hein took ita nian  parlamentu sei fó informasaun iha loron 30 ka loron 31 fulan-Outubru,  ita espera katak informasaun iha tempu ne’ebá, ita nia prezidente parlamentu nasionál bele halo atualizasaun,” Sekretária Meza PN, deputada Virgínia Ana Belo bá jornalista sira hafoin reniaun ho PPN no lidér bankada sira iha PN.

Hatán bá  xefe bankada CNRT halo ona ajenda eleisaun CAC  bá PPN tanba Governu mantein  kandidatu rua?  deputada Virgínia Ana Belo haktuir bankada sira hakarak kandidatu ida bá ne’e nia bá ho pezu

Deputada Virgínia Ana Belo haktuir iha ona komunikasaun entre bankada sira no bankada sira ne’e loos ona agora hein fali Governu.

Primeiru Ministru (PM), Kay Rala Xanana Gusmão, propoin ona naran rua mak hanesan Sérgio de Jesus Fernandes da Costa Hornai ho Rui Pereira dos Santos, bá Parlamentu Nasionál (PN) atu hili sé mak votu barak liu assume responsabilidade nu’udár Komissáriu foun bá Comissão Anti Corrupção (CAC).

Jornalista Estajiária: Zita Menezes