Hatutan.com, (28 Marsu 2022), Dili–M𝗮𝘀𝗸𝗲 𝗶𝗵𝗮 𝘁𝗶𝗻𝗮𝗻 𝟮𝟬𝟮𝟭 𝗧𝗶𝗺𝗼𝗿-𝗟𝗲𝘀𝘁𝗲 𝗮𝗽𝗹𝗶𝗸𝗮 𝗿𝗲𝘀𝘁𝗿𝗶𝘀𝗮𝘂𝗻 𝗼𝗶𝗼𝗶𝗻 (𝗘𝘀𝘁𝗮𝗱𝘂 𝗘𝗺𝗲𝗿𝗷𝗲́𝗻𝘀𝗶𝗮, 𝗦𝗲𝗿𝗸𝗮 𝗦𝗮𝗻𝗶𝘁𝗮́𝗿𝗶𝗮 𝗻𝗼 𝗞𝗼𝗻𝗳𝗶𝗻𝗮𝗺𝗲𝗻𝘁𝘂 𝗢𝗯𝗿𝗶𝗴𝗮𝘁𝗼́𝗿𝗶𝘂) 𝗻𝗲’𝗲𝗯𝗲́ 𝗹𝗶𝗺𝗶𝘁𝗮 𝘀𝗶𝗿𝗸𝘂𝗹𝗮𝘀𝗮𝘂𝗻 𝗲𝗺𝗮 𝗻𝗼 𝘀𝗮𝘀𝗮́𝗻 𝘀𝗶𝗿𝗮, 𝗸𝗮𝘂𝘇𝗮 𝗵𝘂𝘀𝗶 𝗽𝗮𝗻𝗱𝗲𝗺𝗶𝗮 𝗖𝗼𝘃𝗶𝗱-𝟭𝟵 𝗻𝗼 𝗜𝗻𝘂𝗻𝗱𝗮𝘀𝗮𝘂𝗻, maibé taxa kreximentu Produtu Internu Brutu (PIB) Timor-Leste 2021 (versaun preliminár) 𝘀𝗮’𝗲 𝗯𝗮 𝗣𝗼𝘇𝗶𝘁𝗶𝘃𝘂 (+𝟭,𝟱%) 𝗵𝘂𝘀𝗶 𝗡𝗲𝗴𝗮𝘁𝗶𝘃𝘂 (-𝟴,𝟲%) 𝗶𝗵𝗮 𝟮𝟬𝟮𝟬.

Ministru Finansa, Rui Gomes, hasoru malu ho Primeiru-Ministru, Taur Matan Ruak, Segunda (28/03/202). Foto/Media MF

Ministru Finansa, Rui Gomes, Segunda (28/03/202), informa ba Primeiru-Ministru, Taur Matan Ruak, katak   dadus husi Diresaun Jerál Estatístika, Ministériu Finansas, taxa kreximentu PIB sa’e tanbá kontribui husi konsumu finál setór privadu no públiku ne’ebé iha aumentu moderadu iha tinan 2021.

Tuir informasaun ne’ebé Hatutan.com sita husi konta Facebook  ofisial Ministru Finansas, VIII Governu Konstitusional, Rui Augusto Gomes, katak PIB 2021 (versaun finál) sei públika iha fulan-Setembru 2022. Versaun finál ne’e mak sei ezatu ka loos liu tanba sei inklui dadus sira hotu, liuliu husi Produsaun nian (Peskiza Atividade Emprezariál). Ida-ne’e signifika katak taxa kreximentu PIB tinan 2021 (versaun finál) bele iha diferensa husi versaun preliminár ne’e.

PIB 2021 versaun preliminár ne’e, bazeia ba informasaun ikus ne’ebé disponivel kona-ba indikadór petrolíferu no la’ós-petrolíferu hodi fornese informasaun atuál kona-ba Timor-Leste ninia kreximentu ekonómiku. Ba versaun preliminár, indikadór ida ne’ebé di’ak liu ba PIB petrolíferu mai husi parte Produsaun no parte Despeza ba indikadór PIB la’ós-petrolíferu.

𝗧𝘂𝗶𝗿-𝗺𝗮𝗶 𝗻𝗲’𝗲 𝘁𝗲𝗻𝗱𝗲́𝗻𝘀𝗶𝗮 𝗣𝗼𝘇𝗶𝘁𝗶𝘃𝘂 𝗯𝗮𝗹𝘂𝗻 𝗵𝘂𝘀𝗶 𝗸𝗼𝗺𝗽𝗼𝗻𝗲𝗻𝘁𝗲 𝗣𝗜𝗕:

Advertisement

𝗞𝗼𝗻𝘀𝘂𝗺𝘂 𝗽𝘂́𝗯𝗹𝗶𝗸𝘂 𝘀𝗮’𝗲 𝗯𝗮 𝟲,𝟮%, hetan kontribuisaun husi aumentu empregu no konsumu bens no servisu, tanba iha aumentu despeza ba fornesimentu materiál operasionál no servisu profisionál relasiona ho Covid-19.

𝗞𝗼𝗻𝘀𝘂𝗺𝘂 𝗽𝗿𝗶𝘃𝗮𝗱𝘂 𝘀𝗮’𝗲 𝗯𝗮 𝟮,𝟰%, kreximentu ida-ne’e mantein em-termu per kapita. Bazeia ba apoiu sólidu husi Governu ba Uma-kain, liuhusi transferénsia sasán no subsídiu no reativa atividade ekonómiku Uma-kain nian.

𝗘𝘀𝗽𝗼𝗿𝘁𝗮𝘀𝗮𝘂𝗻 𝗯𝗲𝗻𝘀 𝗻𝗼 𝘀𝗲𝗿𝘃𝗶𝘀𝘂𝘀 𝘀𝗮’𝗲 𝗯𝗮 𝟮𝟲%, kontribui husi esportasaun kafé ne’ebé mak sa’e tanba volume produsaun kafé ne’ebé sa’e no stoke kafé ne’ebé akumuladu iha tinan 2020.

𝗜𝗺𝗽𝗼𝗿𝘁𝗮𝘀𝗮𝘂𝗻 𝗯𝗲𝗻𝘀 𝗻𝗼 𝘀𝗲𝗿𝘃𝗶𝘀𝘂𝘀 𝘁𝘂𝗻 𝗯𝗮 𝟭𝟬,𝟱%. Importasaun servisu de’it mak tun ba -40,7%. Enkuantu, aumentu iha sasán konsumu ne’ebé importa husi rai-li’ur sa’e ba 13% ne’ebé konsistente ho konsumu privadu ne’ebé sa’e no mós ho expansaun fronteira internasionál ba nasaun prinsipál ne’ebé sai nudár parseiru komérsiu ba Timor-Leste.

Jornalista: Vito Salvadór

Advertisement