Hatutan.com, (05 Outubru 2023), Díli-Ministériu Defeza hamutuk ho Komandu FALINTIL-Forsa Defeza Timor-Leste (F-FDTL), Kinta (05/10/2023), anunsia ka loke ona bá públiku, kona-bá rekrutamentu membru foun iha rejime espesiál bá ema na’in- 87.
Lee Mós: F-FDTL Tenke Hamutuk ho Povu iha Kualkér Tempu
Konférensia imprensa hodi anúnsia bá públiku kona-bá rekerutamentu F-FDTL foin na’in-87, Kinta (05/10/2023). Foto/Rogério Pereira Cárceres
Diretór Jerál Ministériu Defeza no primeiru koordenadór bá komisaun rekrutamentu, Nuno Carvalho Santos, esplika komisaun organizadora bá rekrutamentu membru foun F-FDTL nian, iha rejime espesiál bá tinan ne’e, ho baze bá despaxu hosi Ministru Defeza (MD), Donanciano da Costa Gomes “Klamar Fuik”, ne’ebé mak nu’udár prezidente bá komisaun, no Xefe estadu Maiór Jenerál F-FDTL, Tenente Jenerál Domingos Raúl “Falur Rate Laek”, iha loron 02 fulan-Outubru 2023, orienta hodi harii komisaun organizadora rekrutamentu bá 2023 nian.
Bá iha kandidatu ka interesadu sira ne’ebé maka hakarak tama iha fileira Forsa Armadas nian, fó sai bá públiku, atu nune’e, públiku bele akompaña, no mós bele halo tuir rekizitu sira no lala’ok rekrutamentu bá 2023 nian.
“Rekrutamentu iha tinan ida ne’e, ami sei loke vaga hamutuk 87, liu-liu bá nivel edukasaun S1 no S2, no mós ami la taka dalan bá nivel sira seluk, aas liu, para atu sé mak interese, hakarak tama iha fillera forsas armadas, komesa ohin, Kinta 05 fulan-Uutubru to’o loron 20 fulan-Outubru 2023, ami loke bá públiku, bá kandidatu sira ne’ebé mak hakarak konkorre,” diretór jerál Ministériu Defeza, Nuno Nuno Carvalho Santos, informa bá jornalista sira liuhosi konferénsia, iha Auditóriu Kuartél Jenerál F-FDTL, Fatuhada-Díli.
Rekrutamentu ida ne’e, komisaun sei uza sistema online. Bá kandidatu sira ne’ebé maka interesse hakarak aplika iha biban ida ne’e, komisaun rekrutamentu sei fornese website htts://rekrutamentu.f-fdtl.tl.
Kona-bá rekizitu nian, aplikantes sira bele asesu iha fatin tolu ne’ebé mak komisaun rekrutamentu deside ona mak hanesan iha Sede Suku Becora no Comoro, inklui Kuartél Jenerál F-FDTL nian rasik, no mós bele liuhosi sítiu online htts://rekrutamentu.f-fdtl.tl,” nia esplika.
Dokumentu komprovativu sira ne’ebé maka komisaun presiza, hanesan sertifikadu eskola nian, no CV (curriculum vitae) sira. Dokumentu hotu ne’ebé aplikante sira atu hatama, tenke ho modelu PDF, atu nune’e bele iha garantia.
Prosesu rekrutamentu bá membru foun sira F-FDTL nian ne’e, sei hala’o liuhosi faze haat, mak hanesan, ida, sei halo verifikasaun dokumentu, rua, teste saúde, tolu, teste fíziku, haat, halo entrevista ka psiko-teste.
Komisaun rekrutamentu, sei elimina kandidatu kada faze. Katak, kandidatu sira sei elimina automatikamente bainhira lakon iha faze haat ne’ebé maka temi tiha ona.
Jornalista: Rogério Pereira Cárceres
Francisco Xavier
06/10/2023 at 9:25 AM
Hakarak atu acesso ba htts://rekrutamentu.f-fdtl.tl,
Joaninha Fatima Ximenes
06/10/2023 at 10:57 AM
Hau iha Interese tebes ho Vaga Ida nee.
Fransisco da Costa Gonzales
06/10/2023 at 11:28 AM
Hau mos hakarak
Osorio lopes
06/10/2023 at 12:01 PM
Por favor ajuda ami oinsa aplika ba vaga nee liu husi via online
Sara de Araujo
06/10/2023 at 12:43 PM
Hau Hakarak atu tuir rekrutamento refere
ADRIANO NATALINO DE JESUS
06/10/2023 at 12:44 PM
Eu presisa trabalho da forza F-FDTL Por que Lutar a anacao Timor leste.
Acacio de araujo Guterres
06/10/2023 at 1:06 PM
hau prontu sai bainaka ba hau nia uma
No hau prontu sai nain ba hau nia rain🇹🇱🇹🇱🙏
Rosito correia Da Silva
06/10/2023 at 1:40 PM
Ho respeitu Hau iha interese tebes atu sai forsa F-FDTL no luto ba nasaun Timor-Leste obrigadu barak.
Feliciana
06/10/2023 at 6:34 PM
Oinsa ho Ami nebe ense ona formulario
Patricio da costa Monteiro maran
06/10/2023 at 7:24 PM
Prontu para servir de Uma nasaun
Patricio da costa Monteiro maran
06/10/2023 at 7:25 PM
Prontu para servir de Uma nasaun Timor-leste
Alito mau sequeira
06/10/2023 at 9:15 PM
Rejime spesial
Rosito correia Da Silva
06/10/2023 at 9:24 PM
Prontu servi ba povo no nasaun
Miguel cabral f boavida
06/10/2023 at 11:43 PM
Miguel cabral
Bemori
Daniel Elo
07/10/2023 at 12:51 PM
Iha tinan 2023 Ida ne w hakarak sai nudar F-FDTL Ida ba sidadaun Timor oan no hanesan lutu Ida ba ha’u Nia Rai doben Timor-Leste.
Almeida Amaral antonio
07/10/2023 at 7:29 PM
Website sdauk ble asesu ne
Jose martins fallo
07/10/2023 at 11:07 PM
Hau bele sai forca hodi didika hau an hodi salva hau nia nasaun
Sebastião Tefa Falo
09/10/2023 at 9:31 PM
Boa noite,
Bele ka lae, fo tok ezemplu oinsa aplika liu husi Online
Sonio.maria.dacosta.galucho
13/10/2023 at 3:02 PM
HW atu trasfer documents Liu hosi nebe